Июниин 28-да Улаан-Үдэ хотын Ц.С.Сампиловай нэрэмжэтэ Уран hайханай музейдэ бүгэдэ буряадай уласхоорондын «Алтаргана» нааданда зорюулагдаhан хүүгэдэй гараараа хэhэн дүрсэ хүрэгүүдэй конкурс – үзэсхэлэн нээгдэhэн байна.
Энэ мүрысөө Буряад ороной Соелой министерство, Буряад республикын үндэhэтэнэй музей, Даши Намдаковой зурагай жаса, «Учснаб» гэhэн hуралсалай ба офисой хангалгын түб, «Буряад зураг» буряадай урдын уран урлал hэргээлгын региональна ниитын жаса эмхидхээ юм.
Һэеыгээр, модоор, шабараар, мориной хилгааhаар, тоhон шабараар хэhэн 100 гаран ажал Буряад ороной, Забайкалиин хизаарай, Эрхүүгэй хотын үхибүүд дэлгээгээ. Мүрысөөнэй дүнгөөр Агын олон эдир уран гартад түрүү hууринуудые эзэлhэн байна. 6-hаа 9 наhан хүрэтэр Агын аймагай Сахюуртын дунда hургуулиин 9 наhатай hурагша Мунко Балданов «Буряадай «Гэсэр» үльгэрэй баатарнууд» гэhэн ажалаараа илаба; Дулдаргын аймагай Зүдхэли нютагай «Родничок» хүүгэдэй сэсэрлигэй хүмүүжэмэл, 6 наhатай Виктория Гармабазарова «Буряад арадай ажабайдалhаа…» гэhэн хүдэлмэреэрээ хоердохи hуури эзэлээ (хүтэлбэрилэгшэнь Л.Б.Бальжинимаева); гурбадахи hуурида Могойто тосхоной «Бэлиг» хүүгэдэй сэсэрлигэй хүмүүжэмэл, 6 наhатай Бутит Дармаева «Табан хушуун мал» ажалаараа (хүтэлбэрилэгшэнь О.Б.Дармаева) гараа.
13-hаа 16 наhан хүрэтэр Агын нэгэдэхи дунда hурагуулиин hурагша 15 наратай Жэгдэн Ойдопов «Үльгэршэн» уран бүтээлээрээ хоердохи  руури эзэлээ; өорын онсо техникэтэй, Могойтын аймагай Ага-Хангил нютагай 15 наhатай Болот Дамбиевай ажал (хүтэлбэрилэгшэнь Ц.Э.Бабуева) гурбадахи hуурида гараhан байна. Тиихэдэ Дулдарга нютагай 12 наhатай Алдар Б адаевай модоор хэhэн хүдэлмэринүүд тусхай шангаар урмашуулагдаа.
Цымжидма Цымпилова.Эдир уран гартанай конкурс – үзэсхэлэн//Толон.-2016.-15 июля (28).-С.2