Уран шүлэгшэдэй мүрысөөн.
Уран шүлэгшэдэй тэмсэлдэ 46 хабаадагшад хоорондоо мүрысөө. Тэдэнэй тоодо Буряад Уласай - 23, Үбэр Байгалай - 9, Эрхүүгэй можын - 5, Санкт-Петербургын -1, Москвагай -1, Монголой - 6, Шэнэхээнэй 1 уран шүлэгшэд хабаадаа юм. Агын тойрогые Мунко Дашинимаев, Сергей Базарсадаев (Дулдаргын аймаг), Цыбегмит Дамдинжапова, Ешин-Хорло Гомбоева, Жаргал Удаев (Могойтын аймаг), Светлана Махабадарова, Баиржаб Бад¬маев, Долгор Дашидондокова, Жаргалма Жамбалова (Агын аймаг) түлөөлөө.
Оюун бэлигтэнэй хүдэлмэринүүдые сэгнэhэн жюриин түрүүлэгшэнь хэлэ бэшэгэй эрдэмүүдэй доктор, доцент Баир Сономович Дугаров байгаа. Жюри Буряадай үндэhэн соёл түүхын институдай буряад уран зохёолой кафедрые дааг¬ша, хэлэ бэшэгэй эрдэмүүдэй кандидат Лариса Цымжитовна Халхарова, Монголой Дорнодой дээдэ hургуулиин багша, профессор С.Алтанцэцэг, Үбэр Байгалай hуралсалай хүндэтэ худэлмэрилэгшэ, Россиин Уран зохёолшодой холбооной гэшүүн Дугарма Батоболотовна Батоболотова, Эрхүүгэй универ¬ситедэй буряад хэлэ бэшэгэй кафедрын доцент, хэлэ, лите¬ратура шэнжэлэлгын эрдэмүүдэй кандидат Туяна Батуевна Баларьева, Хитадай Үбэр Мон¬голой Шэнэхээнhээ Дашима гэгшэдhээ бүридэбэ.
Тус мүрысөөн буряад уран шүлэгшэдэй жэлhээ жэлдэ оюун бэлигээ хурсадажа, арга шадабариинь урган дээшэлжэ байhые гэршэлээ. Гурбан гүрэнэй элитэ буряад найруулагшад сугларан уулзажа танилсаад, гуурhанай хурсаар, жороо үгын ульгамаар мүрысөө. Тиихэдээ хүн бүхэниинь дүй дүршэл нэмэжэ, зүрхэ сэдьхэлдээ дали жэгүүр ургаhан мэтэ мэдэрэлтэй гэртээ бусаа ёhотой.
Мүрысөөнэй дунгуудээр, 16- hаа 35 хүрэтэр наhатай хабаадагшадай дунда түрүүшын hуури Шэнэхээнэй Хүдэрэй Хүлэн эзэлhэн байна. Манай нютагай Жаргалма Жамбалова хоёрдохи hуурида гараа, Буряад Уласай Валерия Ширапова гурбадахи шанда хүртэбэ.
Харин 35-hаа дээшэ наhанай уран шүлэгшэдэй дунда Бу¬ряад Уласай Тимур Гомбожапов түрүүлбэ, хоёрдохи hуурида - Монголой Балдансодномын Энхжаргал, гурбадахи hуурида Эрхүүгэй можын түлөөлэгшэ Тарас Манданов хүртэбэ.
Баярма Баторова.Уран шүлэгшэдэй мүрысөөн//Толон.-2016.- 22 июля(29).-С.9